Maio, a lenda
Din por aquí, que Maio naceu en Novembro. Que ninguén se estrañe ,porque en
Novembro, están todas as esencias da futura primavera e porque como todo neste
mundo, necesita un tempo para facerse
Parece ser que é fillo doutro Maio e
dunha tal Abril, por iso no seu nacemento todos puideron comprobar que non era
un neno nin louro nin moreno era un neno…Castaño dourado? Si, esa é a definición exacta porque os seus cabelos tiñan os tons das
follas no outono e as meixelas moi coloradas e brancas recordaban os cogomelos
dos bosques, tamén din que a cor dos seus ollos mestura de verde e azul son
como o mar, por iso e por outras cousas que quero contarvos, estamos case
seguros que Maio naceu un outono de fai moitos, pero que moitos anos, en Marín.
Maio crece moi rápido, para cando chega Decembro xa é un neno inquedo e traveso
que lle gusta rubir ás árbores e pasar horas alí contemplando o mar e os
barcos. Para Febreiro xa está moi alto e xoga rodando pola herba baixo as
camelias mentres, nas súas roupas, enrédanse os verdes e os pétalos, para cando
se pon en pé, non cabe dúbida é todo un Maio.
Para Abril, Maio xa é un adolescente moito máis alto e espigado, xa toma certas
decisións e en ocasións como esta sorprende á súa nai.
-Mamá, Preséntoche aos meus amigos, Juan, Carmen, Miguel, Antonio, Inés, Pedro
e Diego, non me digas como logrei comunicarme con eles xa sei que tan só son un
mes do ano e non teño o don da palabra, pero iso é o bo eles poden falar por
min.-
Para cando chega Maio... O primeiro de Maio, os nenos de Marín veñen con
pequenas embarcacións para cantar na festa dos Maios. E Maio déixase cubrir de
verdes e flores e ata é coroado de flores e así máis alto e florido que nunca
entra no seu interior un neno que canta e canta sen parar todo o que Maio lle
di, tanto e tanto tempo, que se conta en Marín que un neno canso de tanto
cantar dentro do maio, cantou con todas as súas forzas
“Levántate Maio de enriba de min, non vaia ser o conto que mexes por min.”
Hay una traducción en
comentarios
Maio a lenda - Cuentos de camelias y otros relatos creados por abuela Cris
